खुद के अवगुण खोजिये.

खुद के अवगुण खोजिये. ,
दूजै के गुण देख. !!
जदे सारथक जांणिये. ,
साचो जीवन शेख. !!1!!

अवगुण देखे और के. ,
तब कां मिळसी तोय. !!
परनिन्दा कज्ज प्रांणिया ,
हांण तिहारी होय  !!2!!

जो तूं चाहै जगत में. ,
भल्ल हुवै तव भाग. !!
श्रीहरी ने समरतां  ,
तन मन अवगुण त्याग. !!3!!

हेत राख भजिये हरी  ,
तजिये दोष तमाम. !!
लगन धार मन लीजिये. ,
रजिये ऐको राम. !!4!!

ध्यान राख नह धोविये  ,
मिनखां तणो ज मेल. !!
परनिन्दा तणें पाप सूं  ,
खोटा होसी खेल. !!5!!
मीठा मीर डभाल